ინტელის ტრენინგი

გაეცანით ინტელის ტრენინგის პროგრამას

რეგისტრაცია

დარეგსტრირდით მიმდინარე ტრენინგზე

ტრენინგები

გაეცანით სხვადასხვა ტრენინგების პროგრამებს

@ მეილის ნიშნის ისტორია

არასდროს მეგონა რომ აფთიაქში ბანალური ბამბის საყიდლად შესულს ამ პოსტის დაწერის იდეა დამებადებოდა. ხოდა რა მოხდა აფთიაქში?

რიგში დგომისას ჩემი ჭორიკანა ყურადღება თავანკარა მეგრულით მოფუსფუსე (შემდგომში უკვე უფრო მოროხროხერე) ქალბატონებმა მიიპყრო, ათენა მუ რე ძა? რომ გავიხედე აშკარად ჯეკპოტი ჰქონდათ მოგებული და ყველანაირ კოსმეტიკას ყიდულობდნენ, თან 1-2-ს კი არა 20-30 ცალს. რავი მე ასეთი ლოგიკა მაქვს: თუ ვიღაცა 10 ცალ სხვადასხვა ფირმის შამპუნს ყიდულობს და ვერ არჩევს ნორმალური თუ ტენიანი კანისთვისაა, ან 30 საპონი, რავა ერთ დროულად გჭირდება? ხოდა აქ კიდევ ერთი ფრაზა იყო ტოტ კრასივი ტოჟე ვაზმი.... აქ უკვე მივხვდი რა ჯეკპოტიც მოიგეს... ხოდა გამახსენდა საბაჩქა.

რისი თქმა მინდა: ცნობილია, ქართული „ელიტა“ საუკუნეების მიხედვით ხან და ფრანგულად საუბრობდა და ხან რუსულად. რაიკომის მდივნის შვილები პაგალოვნად რუსულ სკოლებში დადიოდნენ... მოკლედ ყველამ ხომ უნდა ნახოს რუსეთიდან ჯეკპოტი გეწვია და ა.შ. ქართული კუდაბზიკობა — რაიონულ ტელევიზიაში ხსოვნაში გაჟღერებული ფრაზა „მოსკოვიდან დაგტირის შენი შვილი ჯემალი....“

ამ პოსტით ვეცდები ერთი კომპიუტერული ტერმინის მეილის ნიშნის — ყველასთვის ცნობილი @ რუსულ წარმომავლობაზე გესაუბროთ:

რამდენიმე ქართულმა ბლოგმა ამ ტერმინის რუსულ ეტიმოლოგიას პოსტებიც კი მიუძღვნა. მაგალითად ფეისბუკის გვერდმა „იყიდე ქართული“  დაიწყო კომპანია ძაღლუკას გალოკოკინების თაობაზე,




ხოლო ambebi.ge გვერდმა სტატია დაწერა ჩაანაცვლებს თუ არა ლოკოკინა ძაღლუკას



სიმბოლო @ ცნობილია სულ ცოტა XV საუკუნიდან, მაგრამ შესაძლოა იგი კიდევ უფრო ადრე გამოიგონეს. აქამდე დაზუსტებულად არაა ცნობილი, თუ ვინ და რატომ გამოიგონა და მისი პირველი გამოყენების თარიღიც მიახლობითაა ცნობილი, მაგრამ ამ ნიშნის საერთაშორისო აღიარებად მიჩნეულია 2004 წლის თებერვალი, როცა ელექტროკავშირის საერთაშორისო კავშირმა მორზეს ანბანში ელექტრონული ფოსტის მისამართების გადაცემის გასაადვიებლად @ სიმბოლოს კოდად • — — • — • A და C ასოების კომბინაცია დაამატა.  

ამერიკელი სწავლულის ბერტოლდ ულმანის ვერსიით @  პირველად ბერებმა გამოიყენეს შუა საუკუნეებში. ისინი წიგნების გადაწერით იყვნენ დასაქმებულნი, მათ შორის ლათინური წიგნებიც იყო. ლათინურში არის წინდებული "ad" და იმ დროს მიღებულ შრიფტში ასო "d" იწერებოდა პატარა კუდით, რომელიც ზემოთ იყო მოხვეული. სწრაფი წერისას წინდებული ჩანდა როგორც @.

2000 წელს პროფესორ ჯორჯიო სტაბილეს ვერსიით ფლორენციელი ვაჭრების დამსახურებით,  XV საუკუნიდან ნიშანი @  გამოიყენებოდა როგორც კომერციული სიმბოლო. იგი აღნიშნავდა ამფორას - წონის ერთეულს, რომელიც 12,5 კგ- უდრიდა. მაშინდელი ტრადიციით ასო "A", რომლითაც აღნიშნული იყო წონა, კუდით იყო დამშვენებული  და გამოისახებოდა როგორც დღეისათვის ყველასთვის ნაცნობი სიმბოლო. მან თავისი ჰიპოტეზის დამადასტრებლად მოიტანა 1536 წლით დათარიღებული ფლორენციელი ვაჭრის ჩანაწერი სადაც მოხსენიებული იყო ერთი "A" ღვინის ფასი, ამასთან ხელნაწერში "A" სიმბოლო გავდა @-ს. 




ესპანელებს, პორტუგალიელებს და ფრანგებს მისი წარმოშობის თავისი ვერსია აქვთ - სიტყვიდან "არობა" - ძველი ესპანური წონის ერთეული, რომელიც დაახლოებით 15 კილოგრამს უდრიდა. აქაც @  სიტყვის პირველი ასოდან იქნა აღებული.

Trigo@1 წარწერა დათარიღებულია 1448 წლით „ხორბალი 1 არობა“


თანამედროვე კომერციულ ენაში ნიშან @ - კომერციული სახელია "კომერციული at", რომელიც საბუღალტრო ჩანაწერებიდან წარმოიშვა. იქ იგი აღნიშნავდა თანდებულებს "-ვით, -თან, -ზე, -ში". თარგმანში იგი დაახლოებით ასე გამოიყურებოდა - 5 ცალი, თითო 3 დოლარში (5 widgets @ $3 each). ვინაიდან სიმბოლო გამოიყენებოდა ვაჭრობაში, ამიტომ იგი პირველი საბეჭდი მანქანების კლავიატურებზეც გამოჩნდა, საიდანაც კომპიუტერების კლავიატურებზე გადაინაცვლა.



ინტერნეტში სიმბოლო @, ელექტრონული ფოსტის შემქმნელის, რეი ტომლინსონის დამსახურებით აღმოჩნდა. მიზეზი, რის გამოც ეს ნიშანი გაჩნდა მომხმარებლის სახელსა და ელექტრონული ფოსტის სერვერის სახელის გამყოფად, მან ასე ახსნა: მე ვეძებდი ნიშანს, რომელიც არ შეგვხვდებოდა არც სახელებში, არც დასახელებებში და შესაბამისად არეულობასაც არ შემოიტანდა სისტემაში. პირველი ასეთი სახელი იყო tomlinson@bbn-tenexa Arpanet-ის ქსელში. 1971 წლის ნოემბერში მან პირველად გააგზავნა მსგავსი წერილი ()ელექტრონული ფოსტა მანამდეც არსებობდა, მაგრამ ამ ადამიანმა პირველმა მოიფიქრა სახელისა და დომენის @ სიმბოლოს საშუალებით გაყოფა.

ინტერნეტში ასევე არსებობს სხვა სერვისებიც, რომლებიც @ სიმბოლოს იყენებენ ამავე დანიშნულებით:
  • HTTP — http://login:password@www.example.org;
  • FTP — ftp://login:password@ftp.example.org; 
  • Jabber — somebody@example.org; 
  • LDAP — somebody@example.org; 
  • IRC არხზე არხის ოპერატორის აღმნიშვნელია

ასევე ეს სიმბოლო პროგრამირების ენებში გამოიყენება სხვადასხვა დანიშნულებით
ტვიტერში და ფეისბუკზე ამ სიმბოლოს გამოყენება იწვევს მოსაუბრის სახელის მონიშვნას. საერთაშორისო სტუდენტურ ორგანიზაციაში AIESEC შიდა მიმოწერაში არაოფიციალურად ამავე ორგანიზააციას აღნიშნავს. ევროპაში არსებობს საგზაო ნიშანი, რომელზეც დატანილია მეილის ნიშანი. ის აღნიშნავს ინტერნეტში თავისუფალი დაშვების წერტილს.   

 სხვადასხვა ქვეყნებში ამ სიმბოლოს სხვადასხვანაირად ეძახიან. სახელები ძირითადათ ცხოველებთანაა დაკავშირებული. გერმანელებთან და პოლონელებთან - მაიმუნი, იტალიელებთან - ლოკოკინა, ამერიკაში და ფინეთში - კატა, ტაივანში და ჩინეთში - თაგვი. ზოგ ქვეყნებში იგი რაღაც გემრიელთანაა დაკავშირებული: დარიჩინიანი ფუნთუშა შვედეთში, შტრუდელი ისრაელში და მხოლოდ დისციპლინიანი იაპონელები არიან შორს ყოველგვარი რომანტიკიდან და @- ეძახიან ისე როგორც იგი ინგლისურ ენაში ჟღერს - "attomark".


ქართული "ძაღლუკა" რუსულიდან გადმოვიდა, მხოლოდ რუსები ეძახიან მას "საბაჩკას". ერთ-ერთი ვერსიით ინგლისური "at" ძაღლის ყეფას ჰგავს, მეორე ვერსიით კი თვით ნიშანი ჰგავს დახვეულ პატარა ძაღლს. მაგრამ ყველაზე პოპულარული ვერსია პირველ თამაშებს უკავშირდება. თამაშს „Adventure“ თავგადასავალი ერქვა. მაშინდელ კომპიუტერებში გამოყენებული ეკრანები მხოლოდ ტექტსტური იყო და ნახატები არ გამოიყენებოდა. ერთ-ერთი თამაში სიუჟეტის მიხედვით მოთამაშეს ჰყავდა დამხმარე, ერთგული ძაღლი, რომელიც ეხმარებოდა განძეულის ძებნაში, იცავდა სხვადასხვა მონსტრებისგან, მიდიოდა დაზვერვაზე და კატაკომბებში. და რაღა თქმა უნდა ამ ძაღლის აღმნიშვნელი ნიშანი იყო @. 





პოსტს იმით დავასრულებ, რომ მე ვუერთდები ფეისბუკის გვერდზე „იყიდე ქართული“  დაწყებულ კომპანიას რომელიც  ძაღლუკას გალოკოკინებას ეძღვნება  :), თუმცა მე ამ ნიშანს აბორბალას ვეძახი ან მეილის ნიშანს. ალბათ კვლავ მომიწევს ამ ტემაზე მიბრუნება. ამწუთას ჩემთვის მნიშვნელოვანია, რომ გავიაზროთ ძაღლუკა არ არის ქართული ტერმინი!

ისტ პედაგოგებს გთხოვთ გამომეხმაუროთ ამ თემასთან დაკავშირებით და შესაძლებელია მშვენიერი პროექტი მოვიფიქროთ რამდენიმე სკოლაში ერთად

ასევ გთხოვთ მონაწილეობა მიიღოთ პოსტის შემდეგ მოცემულ გამოკითხვაში.

@ სიმბოლო ვიკიზე







კასტინგი მეექვსეკლასელებისთვის





 მსოფლიო ტელე-კინო ინდუსტრიის გიგანტის Metro Goldwyn Mayer-ის პროექტი უკვე საქართველოშია 
თუ ხარ #მეექვსეკლასელი მოდი კასტინგზე 📽




ვირუსი translate.ge საიტზე






დამატება 19.10.2017 02:14 ამჟამად translate.ge  საიტიდან ტრაოას ცხენი ამოღებულია, სამაგიეროდ კვლავ რჩება საიტებზე Zuma.ge taqsi.ge wow.ge. თუ იცით სხვა საიტები, გთხოვთ კომეტარებში დაწეროთ, რომ სხვებსაც გავუზიაროთ.

საიტზე translate.ge ტროას ცხენს დააჭენებს ადმინი. არ შეხვიდეთ ღვთის გულისათვის. იმისთვის რომ დარწმუნდეთ რომ მართლა არის ეს მავნე პროგრამა, სოურსში მოძებნეთ coinhive და აღმოაჩენთ სკრიპტის მდებარეობას.

მოკლედ ამ ტროიანის შესახებ. Github-ზე ღიად დევს ჯავაზე დაწერილი სოურს კოდი, რომლის სერვერზე დაყენების შემთხვევაში შესაძლებელია საიტზე შემოსული მომხმარებლის კომპიუტერის რესურსები (ძირითადად ცენტრალური პროცესორი) საიტით სარგებლობის პერიოდში გამოყენებული იყოს ბიტკოინის (ელექტრონული ფული) ინფორმაციის ნაწყვეტის დასამუშავებლად. ამ პროცესში მიტაცებული მოწყობილობის რესურსის 99% პროცენტი იქნება დატვირთული.

წამალი ნაპოვნია:   დააყენეთ uBlock Origin ვებსტორიდან, ნუ მისცემთ სხვას უფლებას, გაგაბრიყვონ



დააყენეთ minerblock ვებსტორიდან, რომელიც მნიშვნელოვნად შეამცირებს მავნებლის უარყოფით ეფექტს, თუმცა ბოლომდე აღმოფხვრა მაინც არ შეუძლია. ანუ 99% იანი დატვირთვა ჩამოდის 12-20% ამდე. როგორც ყველა დამატება, ეს დამატებაც ბრაუზერის მარჯვენა ზედა კუთხეში ჩასვამს თავის პიქტოგრამას. ამ პიქტოგრამაზე კი გამოისახება დაბლოკილი საიტების რაოდენობა. რითაც თქვენ ადვილად შეძლებთ დაინფიცირებული საიტის უვნებელყოფას — ამ შემთხვევაში მექანიკურად გათიშვას.

აქედან გამომდინარე ამ წუთის გადაწყვეტილება და რჩევა არის არ შეხვიდეთ დაინფიცირებულ საიტებზე. ასევე ნუ იქნებით მსგავსი ტიპის დამატებების იმედად. გამოიყენეთ ავტორიტეტული ანტივირუსული პროგრამები. რამდენადაც ჩემთვის ცნობილია ავასტი პოულობს ამ სკრიპტს. თუ შეხვალთ, დახურეთ და რაიმე დამატებითი ქმედება არ გჭირდებათ

საინტერესოა, საიტის ადმინისტრაცია რამდენად ინფორმირებულია ამ თემის შესახებ  ;)

რას შეეხება Anonymous კომენტარს,



მადლობა გამოხმაურებისთვის, რაც შეეხება ჩემს ცოდნას ვფიქრობ თქვენთვის განსაკუთრებით საინტერესო იქნება ვიდეოგაკვეთილი მავნე პროგრამების შესახებ კურსიდან კიბერუსაფრთოხება პედაგოგებისთვის ჩემი კოლექციიდან :).  მოკლედ, ვისურვებდი რომ კომენტარი კონსტრუქციული ყოფილიყო.

თუ იმ თემას გავაგრძელებთ, აღნიშნული სკრიპტი ვირუსია თუ მაინერი?, მაინერი ვიცი მე ასეთი



ან კიდე ასეთი




ან სულაც ასეთი



და ასეთი




მაინერი მე არ მინახია.


ამიტომ ეს მაინერი კი არა ტროას ცხენია  :), ყოველი შემთხვევისთვის ასეთ კლასიფიკაციას აძლევს მას ღრმადპატივცემული კასპერსკის ლაბორატორია. ვინ ვინ და ამ ლაბორატორიამ ვფიქრობ ყველაზე უკეთ იცის მაინერია, ჭია თუ ტრაოას ცხენი ეგ სკრიპტი. მე ჩემს პრაქტიკაში მავნე პროგრამებთან დაკავშირებით ყოველთვის დავაკვირდები კასპერსკის ტენდენციებს, მაგრამ არასდროს გირჩევთ, გამოიყენოთ კასპერსკის რომელიმე პროდუქტი როგორც ანტივირუსი.

და ბოლოს, ტერმინი „ვირუსი“ ძალიან ხშირად გამოიყენება მავნე პროგრამების სინონიმად. მავნე პროგრამებთან საბრძოლველად გამოყენებულ პროგრამებს სწორედაც ანტივირუსები ქვიათ და არა მავნე პროგრამეთან მებრძოლი პროგრამები თუ რაღაც ამდაგვარი. წუხელ, როცა ამ სკრიპტის შესახებ გავრცელდა ინფორმაცია, შეხვედრაზე უნდა გავსულვიყავი. სასწრაფოდ მომიწია შეხვედრის დროის გადადება. გადავწყვიტე მოკლე დროში მაქსიმალურად ამომწურავი ინფორმაცია მიმეწოდებინა ჩემი მკითხველებისთვის. აქედან გამომდინარე იმ მომენტისათვის აღნიშნული სკრიპტი ვირუსი იყო, ჭია თუ ტროას ცხენი, რაიმე პრინციპული მნიშვნელობა არ ჰქონდა. მითუმეტეს არ ვიცოდი რასთან მქონდა საქმე. პირიქითაც კი შეიძლება ყოფილიყო. ბლოგზე რომ დამეწერა არიქა ტრანსლეით ჯეზე ჭია ვიპოვეთ ფრთხილად იყავითო, ალბათ ბევრი გიჟად ან სულაც ხუმრობად მიიღებდა. შესაბამისად ტერმინი „ვირუსის“ გამოყენება იმ დროისთვის და ახლაც ჩემთვის მისაღებია. ვამბობ, როცა ეს პოსტი გავაკეთე, არ ვიცოდი რა ტიპის მავნებელთან მქონდა საქმე.

მე არასდროს მექნება პრეტენზია რომ ჩემი პოსტები აკადემიურია და არც მკითხველს აქვს სამეცნიერო ხარისხის დონის პოსტების ბლოგებზე ძებნის მოლოდინი (იმედია). ასე რომ პოსტის სათაურად კვლავ რჩება ვირუსი და არა ტროას ცხენი. თუმცა როგორც გითხარით, საიტზე კასპერსკის ლაბორატორიის განცხადებით ნაპოვნია ტროას ცხენი Trojan.JS.Miner.d.   (წყარო stackexchange.com ან  malwaretips.com)





ასევე შეგიძლიათ იხილოთ სახალისო პოსტი ადრინდელი შემთხვევის შესახებ






არგუმენტირებული ესსეი



წინა კვირას დავამთავრე ინტელის ტრენინგები, ბედის ირონიით ტრენინგის დამთავრება სვეტიცხოვლობას დაემთხვა. (ასე უნდა დავწერო?) ტრენინგის ბოლოს როგორც ვიცით, ფასდება თუ როგორ განვითარდა 21-საუკუნის უნარჩვევები მოსწავლეებში. ეტყობა რაღაცა მომენტი გამომრჩა ტრენინგის მსვლელობისას, რაღაცას ვერ მივადევნე თვალი. აღმოჩნდა რომ 7 პრეზენტაცია რელიგიას ეძღვნებოდა. დიახ, ვაღიარებ, რელიგია არაჩვეულებრივი თემაა 21-ე საუკუნის უნარჩვევების განვითარებისთვის. თუმცა ამ პრეზენტაციებმა და ჩემმა შრომამ ერთგვარი დაუკმაყოფილებლობის გრძნობა გამიჩინა. ამიტომ გადავწყვიტე ცოტა მარილი დამემატებინა ამ თემებისთვის.

მაშ ასე:

ამ პოსტით მინდა შემოგთავაზოთ არგუმენტირებული ესსე-ს მეთოდის შესახებ სხვადასხვა ინტერნეტ რესურსები, რომლებიც ასე უხვად აღმოჩნდა ქართულ ინტერნეტში. კრიტიკული აზროვნების შესაფასებლად ეს მეთოდი, ვფიქრობ ერთ-ერთი მნიშვნელოვანი მეთოდია და სიახლეა ქართული პედაგოგიკისთვის. პოსტში მოყვანილი მასალები სრულად ეკუთვნით მათ ავტორებს. მე მხოლოდ თავი მოვუყარე იმ რესურსებს, რომლებიც საინტერესოდ ჩავთვალე. შემდეგი ვიდეო ეკუთვნის იუთუბ არხს „ინგლისური ყველასთვის“, მაგრამ მინდა გითხრათ რომ არგუმენტირებული ესსეი-ს მეთოდი წარმატებით შეგიძლიათ გამოიყენოთ სხვადასხვა საგნებში, ქართულში ან თუნდაც მათემატიკაში — ყველა საგანში.


ვიდეოს ბოლოს მოცემულია ნიმუში:



Modern technology has made our lives easier

One hundred years ago, no one could imagine how important technology would be to humans in the 21st century. Today, technology is all around us and, in my opinion, it makes our lives much easier.

To begin with, technology makes it easier to communicate. For example, mobile phones and the Internet make it possible for us to send messages to each other quickly and easily. As a result, we can be constantly connected with our friends, family members or business partners.

Secondly, technology allows us to access huge amounts of information. Through the Internet, in particular, we can find out about almost any topic immediately. Consequently, we can become better informed about the world.

However, some people claim that modern technology has made us less active. For instance, today we can shop and socialize online without the need to leave our homes. Therefore, we are less likely to get the exercise we need to stay healthy.

In conclusion, I strongly believe that despite making us less active technology helps us communicate and get informed very quickly. As Steve Ballmer said, “It empowers people to do what they want to do”.

Modern technology has made our lives easier





1. არგუმენტირებული ესე – როგორ დავეხმაროთ მოსწავლეებს

მასალა სრულად იხილეთ ვებ გვერდზე mastsavlebeli.ge
ავტორი: ნესტან რატიანი

ნაწყვეტი: „საწყის ეტაპზე მასწავლებლები ესეს სტრუქტურას ვუხსნით მოსწავლეებს და ვასწავლით, რომ მათ ესეს სამი ნაწილი უნდა ჰქონდეს: შესავალი, მთავარი ნაწილი და დასკვნა. მხოლოდ ამ მარტივი მითითების მიცემით ვერცერთი ჩვენი მოსწავლე საუკეთესო ესეს ვერ დაწერს.

 SEXI-დან SEXCI-მდე

თუკი ახსნის პროცესში ჩვენ ვისარგებლებთ ისეთი აბრევიატურით, რომელიც ასახავს ყველა იმ მოთხოვნას, მოსწავლემ რომ უნდა გაითვალისწინოს ესეს წერისას, ძალიან დაგვეხმარება საუკეთესო გამოგონება – აბრევიატურა SEXI და SEXCI. აბრევიატურები SEXI და SEXCI არცერთ მოსწავლეს არ დაავიწყდება, რადგან ეს სიტყვები მათ მოაგონებთ ინგლისურ სიტყვა sexy-ის, თუმცა სამივე მათგანი განსხვავებულად იწერება. ოქსფორდში დასტამბულ მასწავლებლის წიგნში (The Oxford Union Society Guide to Schools`Debating), ქვეთავში, რომელიც არგუმენტირებულ ესეებს შეეხება, აბრევიატურა SEXI გამოიყენება არგუმენტების ტექნიკის სასწავლებლად. ეს აბრევიატურა შემდეგნაირად იშიფრება: S – state; EX – explain; I – illustrate, ე.ი. წარმოადგინე, ახსენი, დაასურათე. უფრო უკეთ რომ განვმარტოთ, პირველი ზმნა გულისხმობს იმას, რომ ესეში პირველ რიგში დებულება უნდა წარმოვადგინოთ, რომელსაც აუცილებლად დასჭირდება ახსნა-განმარტება სათანადო მაგალითების მოხმობით, იქნება ეს მაგალითი საკუთარ თუ სხვის ცხოვრებისეულ გამოცდილებაზე დაფუძნებული. წარმოდგენილი დებულება აუცილებლად ისეთი უნდა იყოს, რისიც ავტორს სჯერა, წინააღმდეგ შემთხვევაში მას გაუჭირდება ამ დებულების გააზრება ყველა მხრიდან. ახსნისას ავტორმა უნდა შეძლოს, ლოგიკური მსჯელობით დაასაბუთოს დებულების მართებულება. ამ დროს მან უნდა შეძლოს, თავიდან აირიდოს ლოგიკური ცთომილებანი, რაც ხშირად ახლავს ამგვარ მსჯელობას და საფრთხეს უქმნის მის ვალიდურობას (თუ რა არის ლოგიკური შეცდომა, იხილეთ ჩემი წერილი: ათი მომაკვდინებელი შეცდომა. ეს იმას ნიშნავს, რომ დებულების ახსნა ან, უკეთესი იქნება, თუკი ამ შემთხვევისთვის სიტყვა დაცვას ვიხმართ, ავტორს შეეძლება, რადგან ის მისთვის სხვის მიერ კი არაა თავს მოხვეული, არამედ ეფუძნება და გამომდინარეობს იმ ღირებულებათა სისტემიდან, რომელიც ავტორს გააჩნია. აი სწორედ ამ დროს ხდება აბრევიატურის მესამე ზმნის საჭიროება, რადგან ის მაგალითები, რომლებიც ახსნისას ამოტივტივდება, ხელოვნური კი არა, მართლაც ავტორის გამოცდილებაზე იქნება დაფუძნებული. ეს კი ახსნას მიმზიდველს გახდის და არგუმენტს ინდივიდუალობას შესძენს, თანაც აჩვენებს, რომ ახსნა მხოლოდ თეორიულ დონეზე კი არაა მართებული, არამედ მას პრაქტიკული დანიშნულებაც გააჩნია.

განხილული აბრევიატურა ნამდვილად ადვილად დასამახსოვრებელია და მას პრაქტიკული გამოყენებაც აქვს. თუმცა, კარგი იქნებოდა, მისთვის ერთი ასოც დაგვემატებინა. ასე მივიღებთ SEXI-დან SEXCI-ის, სადაც SEXCI ოდნავ განსხვავებულად იშიფრება: S – statement, E- example, eX – explanation, C – counter-argument, I – implication. ეს ხუთი სიტყვა ასე ითარგმნება და ასე უნდა გავიგოთ: თავდაპირველად ესეს ავტორი წამოაყენებს საწყის დებულებას (ამ დროს ის იმავე წესებს იცავს, რომელზედაც წინა აბზაცში ვსაუბრობდით). თუკი წინა აბზაცში ვისაუბრე დებულების ახსნაზე, რომელიც გამყარებული იქნებოდა სათანადო მაგალითით, უკვე შეცვლილია და ახლა უკვე დებულებას უნდა მოსდევდეს მაგალითი, რომელიც ამ დებულების საილუსტრაციოდ გამოდგება. განსხვავებით წინა აბზაცში წარმოდგენილი წესისა, ახლა უკვე მაგალითს სჭირდება ახსნა-განმარტება, რამდენად მოდის ის შესაბამისობაში დებულებასთან. ე.ი. განსხვავება შემდეგში მდგომარეობს: პირველ შემთხვევაში ჯერ ვმსჯელობთ და ამ მსჯელობას მაგალითით ვამყარებთ, მეორე შემთხვევაში კი დებულებას თან ახლავს მაგალითი, რომელსაც ეს დებულება ეფუძნება და ხდება მოცემული მაგალითის ახსნა. შემდეგი ეტაპი უკვე კონტრ-არგუმენტის მოფიქრებაა, თუმცა, როგორც კი ესეს დასაწყისში ავტორის გამოთქმულ დებულებას საწინააღმდეგო მოსაზრება შეუპირისპირდება, ამ საწინააღმდეგო მოსაზრებასაც სათანადო მაგალითი და შესაბამისი ახსნა დასჭირდება. და ბოლოს აბრევიატურის ბოლო ასო აღნიშნავს სიტყვას (implication), რომლის არსის გაგებაც ყველაზე მეტად უჭირთ მოსწავლეებს. ეს სიტყვა ითარგმნება როგორც დასკვნა, როლი, მნიშვნელობა, შედეგი. იმისთვის რომ კარგი ესეს დაწერისას აბრევიატურის ბოლო სიტყვის არსი შევასრულოთ, ესეს ავტორს უნდა ავუხსნათ, რომ მან, იმის ნაცვლად რომ ესეს ბოლო აბზაცში მანამდე გამოთქმული მოსაზრებები უბრალოდ შეაჯამოს, აჯობებს, საკუთარ თავს რამდენიმე კითხვა დაუსვას და მიღებული პასუხები გადმოსცეს დასკვნაში. ეს კითხვები კი ასე გამოიყურება: და მერე რა? თუკი ზემოთქმული (ესეში გამოთქმული მსჯელობა) მისაღებია, მაშინ რა გამომდინარეობს აქედან? რა დასკვნა უნდა გამოვიტანოთ მთლიანი სურათიდან ან შემდგომ დასაფიქრებლად რა ტიპის შეკითხვები შეიძლება წამოეჭრას მკითხველს ესეს წაკითხვის შემდეგ?

თუკი ჩვენი მოსწავლე ხუთივე პუნქტს სწორად შეასრულებს, მაშინ მას საერთაშორისო სტანდარტით გათვალისწინებული მაღალი ქულა გარანტირებული ექნება, ხოლო, თუკი ის ამ ხუთი პუნქტიდან მხოლოდ პირველ სამს დააკმაყოფილებს, მაშინ მისი ქულა საშუალოს ვერ ასცდება.“

გამოსავალი

„დარწმუნებული ვარ, თქვენს მოსწავლეებსაც, ჩემი მოსწავლეების მსგავსად, ზეპირად საუბარი უკეთ გამოსდით, ვიდრე – წერა. ამიტომაც ისინი, სანამ არგუმენტირებული ესეების წერაზე გადავიდოდნენ, ეგებ სოკრატული დიალოგების წერაში გავავარჯიშოთ. დიალოგი ძალიან წააგავს დრამას, რადგან პიესებიც ხომ დიალოგის პრინციპზეა აგებული. თუკი ფიქრობთ, სიტყვით „სოკრატული დიალოგი“, შეაშინებთ თქვენ მოსწავლეებს, მაშინ თხოვეთ, რომ მოკლე პიესა დაწერონ. წარმოიდგინონ სიტუაცია (კაფე, გაკვეთილი, სკოლის დერეფანი, ავტობუსის გაჩერება, ექსკურსია, სხდომათა დარბაზი…), პერსონაჟები (მოსწავლე, მასწავლებელი, რეპორტიორი, რესპონდენტი, მშობელი, მინისტრი…), გაათამაშონ, აკამათონ ერთმანეთში ეს პერსონაჟები და შემდეგ „ჩაიწერონ“ ამ წარმოსახვითი პერსონაჟების კამათი. დიალოგი ხომ ის ჟანრია, რომელშიც საშუალება გვეძლევა არაჩვეულებრივად დავაპირისპიროთ ერთმანეთთან მოსაზრებები, არ შეგვეშინდეს უკიდურესი აზრის გამოთქმის, რადგან საჭიროების შემთხვევაში თავს იმით დავიცავთ, რომ რადიკალურ აზრებს შესაბამის პერსონაჟს ვათქმევინებთ და ამ აზრებს ჩვენ ვერ მოგვაწერენ (თუკი გვეშინია რომელიმე შეხედულების ხმამაღლა დაფიქსირება). მესმის, რომ ეს ყველაფერი მასწავლებლის მსრიდან მეტ ძალისხმევას მოითხოვს, მაგრამ ჩვენი მოსწავლეების შედეგი ნამდვილად უნდა გვიღირდეს ამად: სოკრატული დიალოგების წერაში გავარჯიშებული ჩვენი მოსწავლეები შემდეგ ეტაპზე უკვე არგუმენტირებულ ესეებსაც ადვილად დაწერენ. სოკრატული დიალოგები მეც ძალიან მიყვარს, მეც მიცდია ასე წერა და ახლა შევეცდები, დრო და ენერგია არ დავიშურო და ჩემს მოსწავლეებსაც ავუხსნა, როგორ დაწერონ კარგი დიალოგები და შემდეგ უკვე როგორ აქციონ ეს დიალოგები კარგ ესეებად. ვისაც მაგალითი გაინტერესებთ, ამ ლინკზე წლების წინ დაწერილი ჩემი სოკრატული დიალოგის წაკითხვა შეგიძლიათ.“



დამატებითი წყაროები:  როგორ დავწეროთ კარგი ესე – 14 ნაბიჯი (edu.aris.ge პოსტი)

სოკრატესეული დიალოგი (ვიკი)

ფეისბუკის ჯგუფი (პირველი ვიდეოს ბმულისთვის)

Discuss : Deliberate : Debate

სსემა-ს ვიდეო არგუმენტირებული ესსეი. პრაქტიკული რჩევები



და ბოლოს ისევ დავუბრუნდები ინტელის რესურსებს და განათლებას, სწავლებას ზოგადად, ვთვლი რომ საუკეთესო პედაგოგებმა მათი თვალთახედვით საუკეთესო პრეზენტაციები წარმოადგინეს. პროექტების მიზანი იყო 21-ე საუკუნის უნარჩვევების განვითარების შეფასება. თემა — რელიგია.

ვფიქრობ რამდენი სივრცეა არგუმენტირებული ესეს-სთვის რელიგიურ თემებში, რამდენი ადგილია დაკვირვებისთვის, ანალიზისთვის, შეფასებისთვის, სინთეზისთვის.... რატომღაც ეს ყველაფერი დამაკლდა(სავით) ამ პრეზენტაციებში და ზოგადად ქართულ განათლებაში...

ველი თქვენს გამოხმაურებას. აქაც შესაძლებელია საუბრის გაგრძელება....






რა მოხდებოდა facebook-ს წინა საუკუნეებში რო ეარსება?


1) ადამი შეცვლიდა სტატუსს single-ს in a relationship-ზე

2) ნოე გააკეთებდა ივენთს სადაც ყველას მოიწვევდა თავის კიდობანში

3) თემურ ლენგი შეავსებდა ქუიზს "შენი საოცნებო ქვეყანა"

4) დავით აღმაშენებელი, აქილევსი, ლეონიდასი, ერეკლე მეორე დაითაგებოდნენ "ყველაზე მამაკაცურებში"

5) ტარიელზე ნაწყენი ნესტან დარეჯანი ჩათს მისცემდა ლოგ აუთს

6) "ქართველებს მეზარბაზნეები აღარ ჰყავთ"! - ქართველი მოღალატე მიწერდა ინბოქსში თურქ-სელჩუკებს

7) გიორგი სააკაძე ვოლზე დაუწერდა თავის ცოლს: შედი კარავში რუსუდან!

8) რაზეც რუსუდანი გააკეთებდა კომენტარს: ვაიმე ძაან ცუდად ვარ =(

9) ამ ყველაფერს დაალაიქებდა შაჰ აბასი

10) ქაჯეთის ციხეში შეიქმნებოდა ისეთი Profile-ბი როგორებიცაა "ყველაზე დერსკები და სხვა მრავალი"

11) ჰიტლერი ატვირთავდა სურათს " ვინ ვარ მე შენთვის" და დათაგავდა ებრაელებს

12) მეფე გიორგი თრიაქის ქვეშ მყოფი შეურთდებოდა GROUP-ს "მე მოვითხოვ მარიხუანას ლეგალიზაციას!"

13) 9 ძმა ხერხეულიძე ატვირთავდა 2 pac-ის "dear mama"- ს ხოლო დები იშხნელები მიუწერდნენ კომენტარს: გპარავ!

14) ლუარსაბ თათქარიძე ითამაშებდა "ფერმას" როცა დარეჯანი მორჩებოდა "fashion world"-ის თამაშს

15) მელანო გააკეთებდა ქუიზს "გაიგე შენი მეგობრების შესახებ მეტი" რაზეც მიიღებდა პასუხს: "იცოდი რომ აბდულ შაჰილს ფეხზე 6 თითი ქონდა"? და ბედნიერი და-ძმა გადაეხვეოდა ერთმანეთს

16) თინათინი და ავთანდილი ქორწილის შემდეგ შექმნიდნენ ერთიან Profile-ს სახელით: "თიკო ავთო"

17) ჯორდანო ბრუნო დაწერდა სტატუსს : " დედამიწა მრგვალია და ბრუნავს! " და აჭერდა F5-ს (refresh-ს) notification-ის მოლოდინში იქამდე, სანამ მას არ დაწვავდნენ

18) ცოტნე დადიანის მეგობრები ატვირთავდნენ სურათს წელს ზემოთ შიშველ და თაფლ წასმულ მდგომარეობაში რაზეც ცოტნე დაუკომენტარებდა : "აუ როგორ მინდა თქვენთან ერთად <3 <3 <3 "

19) უბრალო გლეხის შვილი ატვირთავდა თავის სურათს "odnoklassniki.ru"-ს ლოგოთი, რის შემდეგაც მას აბუჩად აიგდებდნენ თავად-აზნაურები

20) ეჭვიანი ოტელო დეზდემონას facebooks-ს "deactive"-ს მისცემდა

Ctrl-Alt-Del

სხვადასხვა ოპერაციულ სისტემებში და ბიოსებში, ანუ ტექნიკურ და პროგრამულ პაკეტებში მოგეხსენებათ არსებობს ე.წ. ცხელი კლავიშები. ამ პოსტში ყურადღება მინდა გავამახვილო ე.წ. სამი თითის ყველაზე ცნობილ კომბინაციაზე Ctrl Alt და Del.

შეგიძლიათ მაჩუქოთ ასეთი ბალიშები  :)
თუ აღნიშნული კლავიშების კომბინაციას დააწვებით ვინდოსუსის ჩატვირთვამდე, მაშინ მოხდება სისტემის გადატვირთვა (Restart). ვინდოუსში კი როდესაც სისტემა ასევ ვთქვათ იჭედება, ეს კომბინაცია ყოველთვის გამოიწვევს ყველა პროცესის დაუყოვნებლივ უპირობო შეჩერებას. ყველა მუშა პროგრამას გადაეფარება ლურჯი ფანჯარა წარწერებით




ამ ფუნქციებიდან მე ყველაზე ხშირად დავალებათა მმართველს (Task Manager) ვიყენებ. (თუ სწორად მახსოვს წლევანდელ კომპიუტერის გამოცდაზე იყო კითხვა კლავიშების რომელი კომბინაციით შეიძლება დავალებათა მმართველის გამოძახებაო. და ახლა გპასუხობთ რომ Ctrl Alt Del კომბინაციით არა, არადა ეს პასუხი იყო სწორი). სწორი პასუხია Ctrl+Shift+Esc. 

ამ კომბინაციის შემქმნელი იყო პროფესორი დევიდ ბრედლი (David Bradley) რომელიც იყო IBM PC ერთერთი შემქმნელი ინჟინერი. ის სისტემის რბილი გადატვირთვისთვის თავიდან Ctrl+Alt+Esc კლავიშის კომპინაციას იყენებდა სისტემის თბილი გადატვირთვის. მაგრამ ერთხელაც არმოაჩინა რომ ამ კომბინაციის შესრიულება ერტხი ხელითაც არის შესაძლებელია. ამიტომ ალტერნატივის ძიებაში როგორც პროექტის ხელმძღვანელმა საბოლოო ვერსიაში Ctrl Alt Del კომბინაცია დატოვა. ამით მინიმუმამდე შემცირდა ადამიანური ფაქტორით გამოწვეული შემთხვევითობის რიცხვი.

თავიდან ეს კომბინაცია ჩაფიქრებული იყო როგორც სააღდგომო კვერცხი (სააღდგომო კვერცხებზე მე მაქვს რამდენიმე პოსტი, მაგალითად გუგლის ხრიკები) და არ იყო გათვალისიწნებული საბოლოო მომხმარებლებისთვის გამოსაყენებლად, რადგანაც ეს ფუნქცია იწვევს გაუფრთხილებელ გადატვირთვას ყოველგვარი გაფრთხილების გარეშე.  (მხოლოდ დღევანდელ პროგრამებშია გათვალისწინებული სისტემის დაუყოვნებლივ მოთხვნაზე გამოირთოს, პასუხი, მაცადე, დოკუმენტი არ შემინახია). მაგრამ ვინაიდან ეს კომბინაცია ტექნიკურ დოკუმენტაციაშია აღწერილი იყო, ის ფართო მასებისთვის ცნობილი გახდა. 

ბრედლი ამ სამუშაოს თავის ამოცანებიდან ერთ უმნიშვნელო ამოცანად მოიხსენიებს, „ამისთვის 5 წუთი დამჭირდა. 10 წუთი კიდევ აქტივობა და შემდეგ გადავედი დანარჩენ 100 საქმეზე, რომელიც უნდა მომესწრო“. 

ბრედლი ასევე ცნობილია ბილ გეიტსის მიმართ კეთილგანწყობილი გამონათქვამით, როცა IBM PC მოდელის 20 წლისთავთან დაკავშირებით მან აღნიშნა: „მე გამოვიგონე ის, მაგრამ ბილ გეიტსმა ვარსკვალავად აქცია“. მან უმალ დასძინა რომ ეს კომბინაცია გამოიყენებოდა Windows NT  სერვერებზე შესასველად





2013 წლის 21 სექტემბრის პრეზენტაციაზე ბილ გეიტსმა კი ვინდოუსში შესასვლელად ამ კომბინაციის გამოყენებას დიდი შეცდომა უწოდა. აღნიშნა რომ ამჯობინებდა რაიმე ერთი კლავიშა ყოფილიყო, მაგრამ ამისთვის IBM ინჟინრებს კლავიატურის განლაგებაში კიდევ ერთი კლავიშის დამატების საიამოვნებას ვერ მივანიჭებდიო.


და ბოლოს — მნიშვნელოვანია რომ გახსოვდეთ,  სხვადასხვა ოპერაციულ სიტემებში და პროგრამულ რეალიზაციებში ამ (და სხვა) კლავიშების კომბინაცია სხვადასხვანაირად გამოიყენება. დეტალურად შეგიძლიათ ნახოთ ბმულზე (ინგლ). ამ სამი კლავიშეს შესახებ კი კიდევ ერთი საინტერესო სტატია ნახეთ lifewire.com საიტზე.


ასევ შეგიძლიათ ნახოთ პოსტი სხვა ცხელი კლავიშების შესახებ


პოსტის იდეა itexpress-ს ეკუთვნის