ვინჩესტერის სტრუქტურა

ამ სურათზე თქვენ ნახავთ დისკის სტრუქტურას, ძალიან ხშირად მე ვიყენებ ტერმინებს სექტორი, მხარე, კლასტერი... ვნახოთ ეს რა არის

დავიწყოთ იქიდან, რომ ვინჩესტერი პლასტინებისგან შედგება. შემდეგ სურათებზე ეს პლასტინები აშკარად ჩანს. შეგიძლიათ გაადიდოთ ეს სურათი...

თითოეულ პლასტინას აქვს  2 წამკითხველი თავაკი ზევიდან და ქვევიდან.ეს თავაკები არ ეხებიან დისკის ზედაპირს, მაგრამ მაქსიმალურად ახლოს არიან დისკის ზედაპირთან. დისკები ერთიდაიგივე სიჩქარით მუდმივად ტრიალებენ, ხოლო წამკითხველი თავაკები გადაადგილდებიან დისკის ზედაპირზე და ახდენენ ინფორმაციის ჩაწერას ან კითხვას. 

თავდაპირველი ფორმატირების დროს ხდება პლასტინების ასე ვთქვათ გადანომრვა — Low Level Formatting. ამ პროცესის შედეგად ხდება პლასტინების ლოგიკური სტრუქტურირება. (და არა ფიზიკური). სულ ვინჩესტრეზე არსებობს 0-დან 1023-მდე ბილიკი (ანუ 1024). ნახეთ სურათი. წითელი ფერით ნაჩვენებია ერთ-ერთი ბილიკი (A). ბილიკი დაყოფილია სექტორებად. სექტორი არის ვინჩესტრეზე მინიმალური დამისამართებული ერთეული. სექტორი შეიძლება იყოს 512 ბაიტის ტოლი. ოპტიკურ დიკებზე 2048. დღეისთვის ვინჩესტრების სექტორები 4096 ბაიტის ტოლ სექტორებად დაიყოფა. რაც მეტია სექტორების რაოდენობა, მით მეტია ვინჩესტერის მოცულობა. როგორც გითხარით, ბილიკების რაოდენობა ლოგიკურ დისკზე უცვლელია.

ბილიკების დანომვრა ხდება გარე ზედაპირიდან. ცენტრთან არის ბილიკი N1023  :). რადგან 512 ან თუნდაც 4096 ბაიტი დღეისთვის საკმაოდ მცირე მოცულობაა და ფაილების უმეტესობის შესანახად ეფექტური არაა. ამიტომ ხდება სექტორების დაჯგუფება. ასეთ სექტორებს კლასტერები ეწოდებათ, სურათზე  (D) ნიშნით და მწვანე ფერით სწორედ ასეთი კლასტერია ნაჩვენები. კლასტერის რიცხვი ყოველთვის 2 რომელიმე ხარისხია.  

ახლა კი რამდენიმე სიტყვით ვინჩესტერის ლოგიკურ დაყოფაზე:

ვინჩესტერის ლოგიკურ (ნუ პროგრამის დახმარებით) დაყოფას რამდენიმე შემთხვევაში მიმართავენ

1. როცა უნდათ ერთიდაიგივე  ოპერაციულ სიტემაში ოპერაციული სისტემის და პროგრამული პაკეტების ფაილები განცალკევდეს მომხმარებლის მიერ  შექმნილი ფაილებისგან

2. ერთ ფიზიკურ დისკზე უნდათ სხვადასხვა ოპერაციული სისტემის ფაილები განათავსონ

3. როცა უნდათ რომ ერთ დანაყოფზე მანიპულირებამ გავლენა არ მოახდინოს დანარჩენ მონაცემებზე

4. როცა მიზანშეწონილია სხვადასხვა ზომის კლასტერების არსებობა

ვინჩესტრეზე არსებული დანაყოფების შესახებ ინფორმაცია ინახება დანაყოფთა ცხრილში, რომელიც MBR-ის ნაწილს წარმოადგენს. MBR განთავსებულია მყარი დისკის პირველ ფიზიკურ სექტორში (დასაწყისშივე).

დანაყოფი შეიძლება იყოს ძირითადი (აქტიური) ან დამატებითი .

ყველა ძირითადი (აქტიური) დანაყოფის პირველ სექტორში განთავსებულია ჩამტვირთველი სექტორი (boot record), რომელიც პასუხისმგებელია ამ დანაყოფიდან ოპერაციული სისტემის ჩატვირთვაზე. ასევე მთავარ ჩამტვირთველ ჩანაწერში განთავსებულია ინფორმაცია, იმის შესახებ, თუ რომელი ძირითადი განაყოფი იქნება გამოყენებული ოპერაციული სისტემის ჩასატვირთად.

MBR-ში განაყოფთა ცხრილისთვის გამოყოფილია 64 ბაიტი (!), თითოეული ჩანაწერი 16 ბაიტს იკავებს. ამრიგად ადვილად დავითვლით, რომ MBR მოდელში მხოლოდ 4 დანაყოფი შეიძლება გვქონდეს. მოგვიანებით შემუშავდა ახალი ვერსია (EBR) სადაც უკვე ლოგიკური დანაყოფების რაოდენობაზე შეზღუდვა მოხნილია. ამ ვარიანტში ძირითადი დანაყოფის გარდა შემოდის გაფართოებული განაყოფის ცნება, რომელიც უშუალოდ არ შეიცავს ფაილურ სიტემას, არამედ მხოლოდ დანაყოფების ცხრილზეა პასუხისმგებელი  :)  ასევე დათოს ბლოგზე თქვენ შეგიძლიათ გაეცნოთ პოსტს GPT და MBR შედარებას, სადაც მოთხრობილია აღნიშნული პრობლემის თანამედროვე გადაწყვეტილებაზე.

MBR წესების მიხედვით ერთ ფიზიკურ დისკზე შესაძლებელია მხოლოდ ერთი დამატებითი დანაყოფის ქონა. ანუ გამოდის რომ შესაძლებელია გვქონდეს 3 ძირითადი და ერთი დამატებითი განაყოფი. მაგრამ ზოგიერთ ოპერაციული სიტემას მხოლოდ ძირითადი დანაყოფიდან შეუძლია ჩატვირთვა. ასევე ვინჩესტერის დამყოფი ზოგიერტი პროგრამები ვერ ახერხებენ ერთზე მეტი ძირიტადი დანაყოფის შექმნას.

ამ შეზღუდვების გვერდის ავლა შესაძლებელია არამაიკროსოფტისეული პროგრამული პაკეტების გამოყენებით. ჩემი ფავორიტია Partition Magic (თუმცა დაბერდა, მაგრამ ბებერი ხარის რქებიც ხნავენო...)


ახალ კომპიუტერებში გამოიყენება UEFI  (Unified Extensible Firmware Interface) მოდელი, რომელიც წარმოადგენს ოპერაციულ სისტემასა და მოწყობილობათა დაბალი დონის ფუნქციების მმართველ მიკროპროგრამებს შორის ინტერფეისს. მისი დანიშნულებაა სისტემის ჩართვისას მოწყობილობათა კორექტული ინიციალიზაცია და მართვის გადაცემა ოპერაციული სისტემის ჩამტვირთველისთვის. ამ მოდელმა უნდა შეცვალოს BIOS — ინტერფეისი, რომელიც IBM თავსებად კომპიუტერებზე მანამდე გამოიყენებოდა.

ეს მოდელი უამრავ მოწყობილობას მოიცავს, ხოლო ამ პოსტში მე მხოლოდ ვინჩესტრებს ვეხები. ამიტომ მხოლოდ იმის თქმა შემიძლია, რომ ვინჩესტერების MBR სტანდარტულ დანაყოფის მაგივრად UEFI თავსებად ვინჩესტერებში გამოიყენება GPT ტექნოლოგია, რომლის შესახებ ინფორმაცის როგორც ვთქვი დათოს ბლოგზე შეგიძლიათ გაეცნოთ





დამატებით  

მსგავსი თემები: res , resgam , resgam16