ვიდეოფილმების კონკურსი მოსწავლეებისთვის

ვიდეოფილმების კონკურსი მოსწავლეებისთვის: 
„დემოკრატიული კულტურის კომპეტენციები სკოლაში“

წყარო:


მპგეც, ევროპის საბჭოსთან თანამშრომლობით, აცხადებს 3-5 წუთიანი ვიდეოფილმების კონკურსს მოსწავლეებისთვის.

საკონკურსო ნამუშევარი უნდა ეხებოდეს ქვემოთ ჩამოთვლილი თემებიდან ერთ-ერთს ან რამდენიმეს. ფილმი უნდა წარმოაჩენდეს, თუ როგორ ესმით მოსწავლეებს მოცემული საკითხები სკოლაში, როგორც ფორმალური, ასევე, არაფორმალური განათლების კონტექსტში:

1. სხვა ადამიანების, ადამიანის ღირსებისა და უფლებების დაფასება;

2. კულტურული მრავალფეროვნებისა და კულტურული განსხვავებულობის დაფასება;

3. დემოკრატიის, სამართლიანობის, კეთილსინდისიერების, თანასწორობისა და კანონის უზენაესობის დაფასება;

4. კულტურული განსხვავებულობისა და სხვა რწმენისადმი, მსოფლმხედველობის, შეხედულებებისა თუ პრაქტიკისადმი ტოლერანტული დამოკიდებულებისათვის მზაობა;

5. პატივისცემა და ტოლერანტული დამოკიდებულება სხვა ადამიანებისადმი, განსხვავებული რწმენის, მსოფლმხედველობისა და პრაქტიკისადმი;

6. მოქალაქეობრივი აზროვნება;

7. პასუხისმგებლობა;

8. თავდაჯერებულობა;

9. გაურკვევლობისადმი შემწყნარებლური დამოკიდებულება;

10. დამოუკიდებლად სწავლის უნარ-ჩვევები;

11. ანალიტიკური და კრიტიკული აზროვნების უნარ-ჩვევები;

12. მოსმენის და დაკვირვების უნარ-ჩვევები;

13. ემპათია;

14. მოქნილობა და შეგუების უნარი;

15. ენობრივი, კომუნიკაციური და მრავალენობრივი უნარები;

16. თანამშრომლობის უნარ-ჩვევები;

17. კონფლიქტების მოგვარების უნარ-ჩვევები;

18. საკუთარი თავის შეცნობა-შემეცნება და კრიტიკული აღქმა;

19. ენისა და კომუნიკაციის შეცნობა-შემეცნება და კრიტიკული აღქმა;

20. მსოფლიოს (პოლიტიკის, კანონის, ადამიანის უფლებების, კულტურის, კულტურათა, რელიგიის, ისტორიის, მედიის, ეკონომიკის, გარემოს დაცვისა და მდგრადი განვითარების) შეცნობა-შემეცნება და კრიტიკული აღქმა.

კონკურსში მონაწილეობის მსურველებმა უნდა გაითვალისწინონ შემდეგი პირობები:

• საკონკურსო ნამუშევარი შესაძლოა წარმოადგენდეს მოსწავლეების, მოსწავლე-მასწავლებლის ან სკოლის ერთობლივ ნამუშევარს;
• ვიდეოს ძირითად სათაურად მითითებული უნდა ჰქონდეს „დემოკრატიული კულტურის კომპეტენციები სკოლაში“;
• ვიდეოს ქვესათაურად უნდა ჰქონდეს მითითებული ჩამოთვლილი საკითხებიდან ერთ-ერთი, რომელსაც ის ეხება;
• ვიდეოს აუცილებლად უნდა ჰქონდეს მითითებული ავტორი/ავტორები, კლასი, სკოლა;
• საკონკურსო ვიდეოს გადაღება შესაძლებელია სმარტფონისა და ტაბლეტის მეშვეობით;
• ერთ მოსწავლეს, მოსწავლეთა ჯგუფს შეუძლია რამდენიმე საკონკურსო ნაშრომის წარმოდგენა;
• კონკურსში მონაწილეობა შეუძლია საქართველოს როგორც საჯარო, ასევე, კერძო სკოლის ნებისმიერი კლასის მოსწავლეს/მოსწავლეებს;
• საკონკურსო ნამუშევრები უნდა გამოგზავნოთ შემდეგ მისამართზე: info@tpdc.ge
• საკონკურსო ნამუშევრების გამოგზავნის ბოლო ვადა: 2017 წლის 1 ოქტომბერი.

კონკურსის შედეგად გამოვლინდება 3 საუკეთესო ვიდეოფილმი.

საკონტაქტო პირი: მაია ნაკაშიძე. ტელ: 5 93 310 369