პროგრამისტის აი ია

 

ლექციების შემდეგ მაღლივი კორპუსის ბიბლიოთეკაში გადავისეირნე. აქ ვეებერთელა დარბაზში ორად ორი კომპიუტერი იდგა — IBM PC 286. ერთთან მე დავჯექი. მეორე კომპიუტერთან კი უკვე აშკარად დამამთავრებელი კურსის სტუდენტი ნორტონ კომანდერის ცისფერ ეკრანში საქაღალდეებს ათვალიერებდა. ან იქნებ სულაც ლექტორი იყო. სტუდენტი ამხელა წვერით რავიცი...

— უკაცრავად, თქვენ რომელ კურსზე სწავლობთ?  — კომუნიკაციის უნარი გამოვავლინე მე :), თუმცა ჯერ კიდევ 1991 წელი იყო.

— მე მერვე კლასში ვსწავლობ... — მომიგო ბუბუნა, გაწონასწორებულმა ხმამ მშვიდად. 

ალბათ მეკაიფება, მაგრამ მე ამას ჭკუას ვასწავლი... გავიფიქრე მე :) 

მალე ინფორმატიკის მასწავლებელიც მოვიდა და ამ დღიდან დაიწყო ჩვენ სამის მეგობრობა წიგნთან რომელიც იმდენად ცნობილია, რომ თავის თიკუნიც აქვს — K&R. ოფიციალურად წიგნს The C Programming Language ქვია და მისი ავტორები ჩემთვის ასევე არანაკლებ საყვარელი და პროგრამირებაში დაფასებული ბრაიან კერნიგჰანი ( C ენის ავტორი) და დენის რიჩი არიან. წიგნის პირველი გამოცემა 1978 წელს მოხდა.  

პირველი წიგნი რაც მე წავიკითხე, ასე იწყებოდა:

იყო და არა იყო რა... 

ხოლო ეს წიგნი ასე იწყება: 

ახალი პროგრამირების ენის შესწავლის ერთადერთი გზა მასზე პროგრამების წერაა. პირველი დავალება ყველა ყველა ენისთვის ერთნაირია: დაწერეთ პროგრამა, რომელიც ეკრანზე გამოიტანს ტექსტს

გამარჯობა, მსოფლიო!

და მართლაც, ამის შემდეგ ნებისმიერი პროგრამული ენის შესწავლა სწორედ ამ ტექსტის ეკრანზე გამოტანით იწყება. ეს დავალება ყველა პროგრამისტის ერთგვარი „აი ია“-ა.  ამ ბმულზე თქვენ შეგიძლიათ პროგრამირების 100 ენაზე როგორ იწერება Hello Wolrld! 

C-ზე დაწერილი კოდი, რომელიც Hello World გამოიტანს, ასე გამოიყურება.  (შეგიძლიათ სხვა კოდებიც მოსინჯოთ)

🎨 C Programming Playground

#include <stdio.h> int main() { printf("Hello World!"); return 0; }

📟 Console Output:

Ready to run your code! Click RUN to see the output.

 

ვიკი გვერდი

წიგნის ყველა კოდი

The C programming Language (.pdf)

თქვენ ასევე დაგაინტერესებთ:

2026 წლის ისტ საგამოცდო ტრენინგი

Hello World! პროგრამირების სხვადასხვა ენაზე

Hello World! პროგრამირების სხვადასხვა ენაზე გითაბის პროექტი

პროგრამირების 10 ტოპ ენა

დააჭირეთ ბმულზე:

პოსტი ჯერ დასრულებული არაა, დაემატები სხვა დავალებები და აქტივობები