ტრენინგები 2018

ისტ მიმართულებით გამოცხადდა რეგისტრაცია შემდეგ  ტრენინგმოდულებზე: (ასევე გთხოვთ ეს ინფორმაცია გადასცეთ თქვენს კოლეგებს)

1. ისტ გამოყენება სასწავლო პროცესში (2 კრედიტქულა, 8 დღე 4სთ)

რეგისტრაცია

2. ინტელის ძირითადი კურსი: პროექტებით სწავლება და ისტ-ის ინტეგრირება. (2 კრედიტქულა, 9 დღე 4სთ)


რეგისტრაცია 

3. ასევე ისტ საგნობრივი ტრენინგი: ზოგადი კურსი პრაქტიკოსი მასწავლებლებისთვის ისტ-ში  (16 საკონტაქტო საათი 3 დღე 4-6-6)

რეგისტრაცია:

ტრენინგები განკუთვნილია საჯარო სკოლის მოქმედი მასწავლებლებისათვის და სქემაში ჩარტული კერძო სკოლების მასწავლებლებისათვის.

რეგისტრაცია სრულდება 29 აპრილს. ერთდროულად შეგიძლიათ დარეგისტრირდეთ რამდენიმე ტრენინგზე

დეტალურად:

ინფორმაციულ-საკომუნიკაციო ტექნოლოგიების გამოყენება სასწავლო პროცესში

ტრენინგზე დასწრების წინა პირობა:

მონაწილეს უნდა ქონდეს კომპიუტერთან მუშაობის საბაზისო უნარ-ჩვევები: ტექსტის აკრეფა/რედაქტირება, ინფორმაციის შენახვა, კომპიუტერში შენახული ინფორმაციის მოძიება.
არ უნდა ქონდეს გავლილი  აღნიშნული ტერნინგკურსი, ან 1:1 ელექტრონული სწავლების დანერგვის ტრენინგკურსი.
ტრენინგზე გაეცნობით: ისტ-ის გამოყენების მნიშვნელობას თანამედროვე მიდგომებზე დაფუძნებულ სასწავლო პროცესში,  ისტ-ის გამოყენებას სასწავლო ერთეულის  ამოცანების შესაბამისად:  ისტ-ის გამოყენებას სასწავლო პროცესის დასაგეგმად; გაკვეთლის დაგეგმვას ისტ-ის გამოყენებით; ისტ-ის გამოყენებას სასწავლო რესურსების მოსამზადებლად; ისტ-ის საშუალებით მოსწავლეთა შეფასების მეთოდების/ინსტრუმენტების გამოყენებას; კლასის მართვას ისტ-ის გამოყენებისას.
ტრენინგის ხანგრძლივობა:  32 საკონტაქტო საათი. (8 დღე- დღეში 4 საათი) აღნიშნული კურსის სრულად გავლის შემთხვევაში მოგენიჭებათ 2 კრედიტქულა

ინტელის ძირითადი კურსი: პროექტებით სწავლება და ისტ-ის ინტეგრირება.

ტრენინგზე დასწრების წინა პირობა: 
გავლილი ქონდეს ტრენინგკურსი "ინფორმაციულ-საკომუნიკაციო ტექნოლოგიების გამოყენება სასწავლო პროცესში", ან 1:1 ელექტრონული სწავლების დანერგვის ტრენინგკურსი.
 არ ქონდეს გავლილი წინა წლებში ინტელის ძირითადი კურსი: პროექტებით სწავლება და ისტ-ის ინტეგრირება.
ტრენინგზე გაეცნობით: სასწავლო პროექტზე დაფუძნებული სწავლების მეთოდებს; სასწავლო პროექტების განხორცილებისას ისტ-ის ინტეგრირების საკითხებს ეროვნული სასწავლო გეგმისა და მასწავლებლის პროფესიული  სტანდარტის შესაბამისად;  ტექნოლოგიებით გამდიდრებული სასწავლო პროექტის დაგეგმვას, რომლის მიზანია მაღალი დონის სააზროვნო და 21-ე საუკუნის უნარ-ჩვევების განვითარება; პროექტების სწავლებაში დანერგვის მიდგომებს;  პროექტის  პროტფოლიოს შექმნას და გამოქვეყნებას ბლოგზე.
ტრენინგის ხანგრძლივობა: 36 საკონტაქტო საათი. (9 დღე-დღეში 4 საათი) აღნიშნული კურსის სრულად გავლის შემთხვევაში მოგენიჭებათ 2 კრედიტქულა

ზოგადი კურსი პრაქტიკოსი მასწავლებლებისთვის ისტ-ში

ტრენინგზე   პედაგოგები გაეცნობიან:  მასწავლებელთა საგნობრივი კომპეტენციის დამადასტურებელი გამოცდის მოთხოვნებს, ტესტურ დავალებებზე მუშაობის გზით დაადგენენ საკუთარ ძლიერ და სუსტ მხარეებს, რათა უკეთ დაგეგმონ გამოცდებისათვის მზადების პროცესი, დახვეწენ ტესტის შევსების ტექნიკას, შეძლებენ საგნობრივი ცოდნის მობილიზებას.
ტრენინგი მოიცავს: ინფორმაციულ-საკომუნიკაციო ტექნოლოგიების შემდეგ საკითხებს: ციფრული მოწყობილობები და მასთან დაკავშირებული კომპონენტები, ტექსტური რედაქტორი, ოპერაციული სისტემები და მონაცემთა ორგანიზების ფორმები, პროგრამული და აპარატურული უზრუნველყოფა, საპრეზენტაციო პროგრამა, ელ.ფოსტა და მასთან დაკაშირებული სერვისები, გრაფიკული რედაქტორი, ციფრული ინფორმაციის გამოყენების ეთიკური და სამრთლებრივი ნორმები, ინფორმატიკის საფუძვლები, ელექტრონული ცხრილები.
ტრენინგის ხანგრძლივობა: 16 საკონტაქტო საათი. (ტრენინგი ტარდება სამი დღის განმავლობაში, შემდეგი სქემით:4-6-6 სთ)